03.11.2019թ.  Աշնակ համայնքի ներքին թաղից մինչև սելավ ձգվող հատվածում բնակչության  միջոցներով  կատարվեցին փոսալցման աշխատանքներ:

Գևորգ Էմինի ծննդավայր Աշտարակ  քաղաքում տեղի  ունեցավ  միջոցառում՝  նվիրված մեծանուն  գրողի  100  ամյակին:Միջացառմանը իր  ակտիվ   մասնակցությունն ունեցավ  նաև  Աշնակի   <<Սասուն >> ազգագրական պարի  խումը:

Սիրելի հայրենակիցներ շնորհավորում եմ բոլորիս Անկախության տոնի կապակցությամբ:
Ոսկետառ նոր էջ գրեց մեր ժողովուրդն իր պատմական հիշողության օրացույցում քսանութ տարի առաջ` այս օրը։ 1991 թվականի սեպտեմբերի 21-ին մի ողջ ժողովուրդ գրեթե միաբերան հայտարարեց ի լուր աշխարհի, որ վերստանձնում է սեփական ճակատագիրը տնօրինելու բեռը, պատասխանատվությունը, պատիվը։
Սեպտեմբերի 21-ը մեր հավատի, մեր համոզմունքների ու մեր վստահության խորհրդանիշն է։

Շնորհավո՛ր տոնդ, անկախ ու ազատ Հայաստան:

Սուբվենցիոն ծրագրով Աշնակ համայնքում վերանորոգվում է խմելաջրի խողովակաշարը:
Աշխատանքների ավարտից հետո համայնքի 385 ընտանիք նախկին 2 ժամվա փոխարեն ջուր կունենա օրական 6 ժամ:
Ծրագրի ընդհանուր արժեքը 14մլն 239հազար դրամ է, որից համայնքի մասնակցությունը կազմել է 5մլն 695հազար, իսկ ՀՀ պետական բյուջեից տրամադրվող սուբվենցիայի չափաբաժինը՝ 8մլն 544հազար դրամ:
Խմելու ջրով բոլոր համայնքներն ապահովելը մարզի ղեկավարության համար առաջնային է: Համայնքներում առկա ջրամատակարարման մանր ու մեծ խնդիրները քայլ առ քայլ լուծվելու են:

«Սիրելի մանկավարժներ, դպրոցականներ, ուսանողներ, կրթության բնագավառի ներկայացուցիչներ
Շնորհավորում եմ Ձեզ` սեպտեմբերի մեկի, նոր ուսումնական տարվա մեկնարկի և Գիտելիքի օրվա կապակցությամբ: Դեպի գիտելիքի աշխարհ մուտքն ազդարարող այս օրը բոլորիս տոնն է: Տոնական այս օրն առանձնակի ջերմությամբ իմ շնորհավորանքներն ու բարեմաղթանքներն եմ հղում բոլոր դպրոցականներին և հատկապես մեր առաջին դասարանցիներին և առաջի կուրսեցիներին: Ցանկանում եմ, որ գիտելիք ստանալու խանդավառությունն ու բարձր տրամադրությունը նրանց ուղեկցի ուսումնառության բոլոր տարիներին:
Մաղթում եմ բոլորին արգասաբեր ուսումնական տարի ...